Amaia
2011/02/03
Ur geldiaren axala kirimolatzen,
Hostoak espazioan, goiti eta behiti irristan
Isiltasunaren kristalean dostatzen.
Erreka zintzurrak behiti bihurrika datoz urak
Gau-lamien adatsak txinkordatzen...
Hutsetik zintzilik ari dira armiarma jostunak
Amodioaren sare finak brodatzen,
Baina, zer axola dit niri, edertasun guzi horrek
Ez bazara nitaz inoiz akordatzen.