Euskara eta Literatura.

- MAILEGUTZA: hizkuntza batek bere hitz altxorrera beste hizkuntza batetik hartutako elementu lexikalak ekartzea eta etxekotzea da.

Lexikoa etengabe eraberritzen da; tresnak, asmakariak eta aurkikuntzak izendatzeko, maiz, beste hizkuntzetara jotzen da.

Osagai hauek mailegatu ohi dira:

. Hitz osoak: Edozein hizkuntzatatik hartutako hitzak dira: sintagma, liburu, auto, informatika, whiski...

. Kultura erroak: Latinetik edo grekotik hartutako aurrizki eta atzizkiak: telegarraio, minigona, hipermerkatu, krioskopia, fotosintesia, ...

. Hizki arruntak: Erromantzeetatik hartutako aurrizkiak eta atzizkiak: burutazio, amorrazio, barkazio, txikizio, amorante, atarramendu, desegin, desagertu, desbideratu...

. Hitz multzoak: Euskaran fosildurik gelditu diren erdarazko esamoldeak: doministiku (dominus tecum), auskalo (a buscarlo)...
arrozkoletxe (arroz con leche), puntapaixak (puntas de París), mesanotxe, fildeferra (fil de fer) ...

Ba al dakizu nondik datorren " ojalá " espresioa?
Arabieratik noski. Arabierazko law šá lláh esaldiak 'Allah-k nahi badu' esan nahi du eta zerbait gertatzea gustatuko litzaigukenean esan ohi dugu.

. Kalkoak: Hizkuntza bateko hitz edo esamoldeak ordezkatzeko, beste hizkuntza batetik hartzen diren hitz edo esamoldeei deritze.
Euskaraz, esaterako, jatorrak direnak baztertu, eta batzuetan erdarakadak sortzen dira: *ilea hartu, *faltan bota...

Onartzeko kalkoak: izar (zinema arloan), disko gogorra, posta elektronikoa (informatikan),

Baztertzeko kalkoak: euskararen sistema gramatikala urratzen duen elementu-konbinazioz eratutako kalkoak.