Euskara eta Literatura.

IDAZLEEN BISITA ZURBARANEN (2009-10)

Amaia 2010/05/31

Aurten bi idazleren bisita izan dugu institutuan:
lehenengo Fernando Morillo eta Aitor Arana gero.

DBHko 4. mailan Morilloren "Leonardoren hegoak" irakurri dugu eta aukera izan dugu Fernando aurrez aurre izateko.

"Ametsari heldu, irribarre egin eta bizitza bizi!"

Oso hitzaldi polita eta berezia izan zen, Morillo berezia delako. Gure galdera guztiei erantzun zien eta bere azalpenek guztiz liluraturik utzi gintuzten.

Aitor Aranaren beste bi liburu irakurri ditugu 3. eta 4. mailetan:

"Amodioaren gazi-gozoak" eta "Neska-mutil bereziak" hurrenez hurren.

Oso argi azaldu zizkigun nobela bat idazteko kontuan hartu beharrekoak, baina ez zen aholkurik ematen ausartu. Inportanteena GOZATZEA!

Atsegina benetan Aitor!

NOLA EGIN IDAZLAN ON BAT?

Amaia 2010/05/17

Idazlan on bat egiteko, kontuan hartu aholku hauek. Klikatu HEMEN.

EPALTZAREN ALARGUNA BEKAK

Amaia 2010/05/10

Gazteei ikasketetan laguntzeko asmoarekin, Kultura eta Hezkuntza Sailak ikasten jarraitzeko dirulaguntzak ematen ditu. Dirulaguntza horiek unibertsitate aurreko ikasketetan lortutako espediente akademikoaren arabera ematen dira, eta unibertsitateko karrera osoan jaso daitezke, kalifikazio onak izanez gero.

Beka hauei buruzko informazio gehiago izateko, klikatu HEMEN.

Eta azterketa ereduak izateko, hemen dauzkazu urte ezberdinetakoak, ereduka:
- "B" ereduko azterketak: 2009
- "D" ereduko azterketak: 2008, 2009

UROLA KOSTA

Amaia 2010/05/06

Aurten itsas zaporea izango du txangoak: Gipuzkoako kostaldera joango gara, Zarautzera eta Getariara, hain zuzen ere.

Bakoitzak berariazko nortasuna duela, Zumaiak, Getariak, Zarautzek, Aiak eta Oriok osatzen dute Gipuzkoako kostaldeko zatirik biziena.

Zumaian egiten du bat itsasoarekin Urola ibaiak; Orion, berriz, Oriak. Ibai horien ahoen artean, eskualde bizi-bizia da Urola kosta.

Aukera izango dugu Gipuzkoako kostaldea pixka bat ezagutzeko eta hango euskalkiaren berri izateko. Euskal Herriko hondartzarik luzeena bisitatuko dugu (Zarautzekoa), Juan Sebastian Elkano eta Getariako sagua ezagutuko ditugu eta... egunaz gozatzen saiatuko gara.

Ekainak 3:

Egun zoragarria benetan, bero handia, baina itsasoaren kresal-usainak berehala sorgindu gintuen. Lehendabizi ZARAUTZ bisitatu genuen, herritik bueltatxo bat eman eta itsasertzeko paseotik ibili ginen.

Gero GETARIA herri arrantzalea ezagutu genuen. Hango kaleak, portua, hondartza... Batzuk San Antoniora igotzen ausartu ginen, goitik kostaldeko panoramika orokorra ikusi ahal izateko.

EUSKARAREN EGUNA 2009-10

Amaia 2010/05/05

Euskararen eguna ospatu behar dugu, eta modurik onena EUSKARAZ!
Beste batzuk euskaraz aritzen dira, gu zergatik ez?

EUSKAL KARAOKEA

Amaia

ABESTEKO GOGOA DUZU?

HEMEN DUZU:

"EUSKAL KARAOKEA".

Klikatu HEMEN

EUSKAL KANTAGINTZAREN ATARIA.

PASAHITZA

Amaia

"PASAPALABRA JOKOA" EUSKARAZ ONLINE.

HIZTEGIA errepasatu eta ikasi nahi duzu?
Gai zinateke erroskoa osatzen?
PASAHITZA da zure jokoa!

Jokatzen hasi nahi baduzu, klikatu HEMEN.

MIKOLETA IPUIN LEHIAKETA 2009-10

Amaia 2010/05/03

NOR IZAN ZEN RAFAEL MIKOLETA? (Bilbao 1611 - ?)

Lizentziatua, doktorea eta epailea izan zen, bai eta apaiza elizako kabildoko priorea ere.

Modo breve de aprender la lengua Vizcayna gramatika liburua idatzi zuen1653an, baina ez zen argitaratu 1881era arte. Gaur egun gramatika hori Londresen dago, British Museumean.

Rafael Mikoletaren gramatika lantzeko egindako lehenengo saioetarikoa izan zen, eta aipagarriena da Bilboko hizkeran idatzita dagoela.

Bilboko Udaleko Euskara Sailak Rafael Mikoleta ipuin lehiaketaren XXII. edizioa abian jarri du.
Bilbon erroldatuta dauden 8 eta 16 urte bitarteko gazteek har dezakete parte lehiaketan eta lanak urtarrilaren 9a baino lehen aurkeztu behar dira Euskara Sailean.
Idazlanek euskaraz idatziak eta marrazkiez osatuak egon behar dute. Originalak eta argitaratu gabeak izatea ere bete beharreko baldintza izango da, eta egile bakarrekoak izan behar dute. Lanek ezin dute aurretik beste lehiaketa batera aurkeztatutakoak izan eta ordenagailuz edo idazkera argian idatziak egon behar dute.
Rafael Mikoleta Ipuin lehiaketaren helburua, Bilboko Lehen Hezkuntzako eta Derrigorrezko Bigarren Hezkuntzako (DBH) gazteen artean euskarazko irakurmena eta idazmena sustatzea da.

Urtero 700-800 idazlan inguru aurkezten dira.

- XXII. edizioko folletoa.

Aurten, urtero bezala parte hartu dugu lehiaketa honetan, ea zortea dugun!

10/05/11

Ba... BAI zortea izan dugu eta Aitziberren ipuina ere argitaratu dute aurtengo liburuxkan. Aitziberrek, DBH4 mailakoak, "Tontoen istorioa" ipuina aurkeztu zuen. Hona hemen Azkuna alkatea saridun guztiei opariak banatzen, udaletxeko arabiar aretoan.